فتح جنگ (نامہ نگار)سابق ایم این ا ے و چیئر پرسن ضلع کونسل اٹک  ایمان طاہر نے کہا ہے کہ کاروبار کی کامیابی کا دارومدار محنت ایمانداری اوراعتماد پر ہو تا ہے ان خیالات کا اظہار انھوں نے اٹک شہر میں حاجی طاہر اقبال آ ف فتح جنگ کے زیر اہتمام نفیس موبائل کی برانچ کے افتتاح کے موقع پر گفتگو کرتے ہوئے کیا اس موقع پر سابق چیئرمین بلدیہ فتح جنگ ملک عابد داد،زین اعظم پسوال، سابق کونسلر ملک محمد سفیر،ملک نثار احمد،حاجی لیاقت خان باجوڑی،طارق ایم قادری،سید فرحت عباس،شیخ فیصل جاوید، علامہ احسان مدنی،سمیت کثیر تعداد میں مقامی تاجروں نے شرکت کی محترمہ ایمان طاہر نے کہا کہ اگر سنت رسول ؐ کے مطابق تجارت کی جائے تو یہ باعث اجر بھی اور روزی کا بہترین ذریعہ بھی ہے انھوں نے کہا کہ کسی بھی کاروبار کی کامیابی میں اعتماد اور دیانتداری کا بنیادی کردار ہے ایمانداری اور محنت سے ہی کامیابی کا حصول ممکن ہے انھوں نے کہا کہ موجودہ حکومت کی نا قص پالیسیوں کی وجہ سے کاروباری طبقہ سخت پریشان ہے کاروبار ٹھپ ہو چکے ہیں لیکن حکومت سیاسی مخالفین سے انتقام لینے میں مصروف ہے۔