فتح جنگ(نامہ نگار) احمد رضا ولد محمد یامین سکنہ محلہ غوثیہ فتح جنگ نے تھانہ فتح جنگ پولیس کو بیان دیا کہ اپنے گھر میں فیملی کے ہمراہ  موجود تھا میری والدہ اور بھابھی گھر کے باہر سے پانی بھر رہی تھی کہ کامران ولد مولا داد سکنہ صدقال ہمراہ کالا خان نشہ میں دھت ہو کر آ گئے اور ہوائی فائر کیا جس کی آواز سن کر میں اور میرا بھائی باہر نکلے تو کامران کو منع کیا تو اس نے سیدھا فائر مجھ پر کیا جو مجھے ٹانگ میں لگا جبکہ دوسرا فائر کالا خان نے کیا اور خوش قسمتی سے  میری جان بچ گئی۔ تھانہ فتح جنگ پولیس نے فوری طور پر مقدمہ درج کر کے تفتیش عمل میں لاتے ہوئے قتل کی کوشش کرنے والے ملزم کامران شہزاد ولد مولا داد سکنہ صدقال تحصیل فتح جنگ کو گرفتار کر لیا دوران انٹیروگیشن ملزم کے قبضہ سے آلہ ضرر رائفل 12 بور برآمد کر کے اسلحہ آرڈیننس کے تحت الگ مقدمہ درج کر لیا۔