اسلام آباد(سپورٹس رپورٹر)فیفا ورلڈ کپ 2026 کوالیفائرز راؤنڈ 2پاکستان بمقابلہ تاجکستان قومی فٹبال ٹیم تاجکستان کے دارالحکومت دوشنبہ پہنچ گئی قومی ٹیم پاک فضائیہ کے خصوصی طیارے سے دوشنبہ پہنچی قومی ٹیم نے نور ایئر بیس سے اڑان بھری تھی پاکستان فٹ بال فیڈریشن نارملائزیشن کمیٹی کے چیئرمین ہارون ملک اور اراکین نے حکومت پاکستان کا ہر طرح سے تعاون کرنے پر شکریہ ادا کیا ہے جس نے قومی فٹبال ٹیم کے لیے بروقت چارٹرڈ پرواز کا انتظام کیا ہارون ملک نے خصوصی طورپر حکومت پاک فوج اور پاک فضائیہ کی تعریف کی جن کی بدولت قومی ٹیم بروقت اور بحفاظت دوشنبہ پہنچی وزیر اعظم پاکستان میاں محمد شہباز شریف کی خصوصی ہدایت پر قومی ٹیم آج پاک فضائیہ کے خصوصی طیارے سے نور خان ایئر بیس سے تاجکستان کے دارالحکومت دوشنبہ پہنچی تھی