کراچی کی ہول سیل مارکیٹ میں گھی کی فی کلو قیمت چھ روپے پچیس پیسے کمی کے بعد ایک سو ستاون روپے پچاس پیسے ہوگئی، حالیہ کمی کے بعد گھی کے سولہ کلو کنسترکی قیمت پچیس سو بیس روپے جب کہ تیل کے کنستر کی قیمت چوبیس سو ستر روپے تک آچکی ہے۔ دوسری طرف ہول سیل مارکیٹ میں چینی کی فی کلو قیمت ایک روپے کم ہوکرتریسٹھ روپے ہوگئی۔ ڈیلرز کا کہنا ہے کہ عالمی مارکیٹ میں پام آئل کی قیمت میں نمایاں کمی کے باعث مقامی طورپرگھی اورتیل بنانے والی کمپنیوں نے قیمتوں میں کمی کردی ہے۔