لاہور(سپورٹس رپورٹر) بریگیڈئر (ر) منظور حسین عاطف میموریل ہاکی ٹورنامنٹ میں مزید تین میچوں کا فیصلہ ہو گیا جس میں واپڈا اے، نیشنل بنک اور پی آئی اے نے اپنی حریف ٹیموں کو ہرا دیا۔ سرگودھا ہاکی سٹیڈیم میں جاری ٹورنامنٹ میں  واپڈا اے نے نے پولیس کو سات صفر سے مات دی۔ نیشنل بنک نے نیوی کے خلاف 6-2 سے کامیابی حاصل کی۔ پی آئی اے اور آرمی کے درمیان سخت مقابلہ دیکھنے کو ملا۔ پی آئی اے نے میچ میں 4-3 سے کامیابی اپنے نام کی۔ اس میچ کے مہمان خصوصی سابق کپتان اولمپئن شہباز سینئر تھے۔