کراچی (نوائے وقت رپورٹ) مواچھ گوٹھ میں سی ٹی ڈی سے مقابلہ میں ایک دہشت گرد ہلاک اور دوسرا فرار ہو گیا۔ ہلاک دہشت گرد کا تعلق کالعدم تحریک طالبان سے تھا۔ انچارج سی ٹی ڈی مظہر مشوانی کے مطابق دہشت گرد بم دھماکوں اور تخریب کاری کی وارداتوں میں ملوث تھا۔ بغدادی میں پولیس مقابلہ، گینگ وار کے 3 کارندے  زخمی حالت میں گرفتار ہو گئے۔ گرفتار ملزم بھتہ خوری سمیت متعدد وارداتوں میں ملوث ہیں۔ علاوہ ازیں انسداد دہشت گردی ونگ نے حب ریور روڈ پر کارروائی کر کے 2 طالبان دہشت گردوں نذر محمد اور صبہت اللہ کو گرفتار کر لیا۔ دونوں بارودی سرنگ بنانے کے ماہر بتائے جاتے ہیں۔