کراچی (صباح نیوز) پاک بحریہ کے دو بحری جہاز نصر اور سیف سری لنکا کے چار روزہ خیرسگالی دورے پرآج اتوار کوکولمبو کی بندرگاہ پر پہنچ رہے ہیں۔ یہ بحری جہاز کئی کثیرملکی بحری مشقوں میں حصہ لے چکے ہیں۔ پی این ایس نصر نے 2004ءمیں سونامی سے بچاﺅ کی امدادی کارروائیوں میں بھی اہم کردار ادا کیا تھا۔دورے کے دوران دونوں ملکوں کی بحری افواج کے جوان متعدد پیشہ وارانہ تربیتی مشقیں بھی کریں گے۔ یہ دورہ سری لنکا اور پاکستان کی بحری افواج کے درمیان روایتی، پیشہ وارانہ اور برادارانہ تعلقات کا حصہ ہے۔ پاکستان نے نیوی کے جنگی جہاز کافلوٹیلا آج بندرعباس پہنچے گا۔ ایرانی خیبرایجنسی کے مطابق پی این ایس جرات اور ٹیپوسلطان ایرانی بندرگاہ پر تین روز قیام کریں گے۔ پاکستانی ٹاسک فورس کی کمانڈ کموڈور مرزا فواد ایس بیگ کریں گے۔ ٹیپو سلطان جہازکی کمانڈ کیپٹن شفقس اور جرات کی کمانڈر لیفٹیننٹ کموڈور عالمگیر کریں گے۔