”عافیہ رہائی قافلہ غیرت“ پیدل مارچ کے شرکاءآج پشاور پہنچیں گے

کراچی( صباح نیوز ) قوم کی بیٹی ڈاکٹر عافیہ صدیقی کی وطن واپسی کےلئے جاری مہم کے سلسلے میں لکی مروت سے روانہ ہونے والا ” عافیہ رہائی غیرت قافلہ“ پیدل مارچ کے شرکاءآج پشاور پہنچیں گے۔ ڈاکٹر عافیہ کی ہمشیرہ ڈاکٹر فوزیہ صدیقی پیدل مارچ کے شرکاءکا استقبال کرنے کیلئے اتوار کی صبح پشاور پہنچیں گی۔ جماعت اسلامی ، تحریک انصاف، عوامی نیشنل پارٹی اور خیبرپختونخوا کی دیگرسیاسی و سماجی جماعتوں کے ذمہ داروں نے ” عافیہ رہائی غیرت قافلہ“ پیدل مارچ کے شرکاءسے یکجہتی کا اظہار کرتے ہوئے ریلی میں بھرپور شرکت کی یقین دہانی کرائی ہے۔