کراچی: ڈاکوئوں کی فائرنگ سے خاتون اور رینجرز اہلکار زخمی‘ آپریشن میں 15 مشکوک گرفتار

کراچی(آن لائن) کراچی کے علاقے کورنگی میں ڈاکوؤں کی فائرنگ سے خاتون سمیت رینجرز اہلکار زخمی ہو گیاجبکہ گل بہار کے مختلف علاقوں میں پولیس نے کومبنگ آپریشن کے دوران 15 مشتبہ افراد کو حراست میں لے لیا۔ حکام کے مطا بق کورنگی کے علاقے چمڑا چورنگی کے قریب ڈاکوؤں کی فائرنگ سے خاتون سمیت رینجرز اہلکار زخمی ہو گیا جنہیں طبی امداد کے لئے جناح ہسپتال منتقل کیا گیا۔زخمی خاتون کی شناخت 22 سالہ علیشاہ اور رینجرز اہلکار کی شناخت پچاس سالہ نوازش علی شاہ کے نام سے ہوئی، واقعے کے بعد رینجرز نے ڈاکوؤں کو پکڑنے کی کوشش کی تاہم ملزمان فرار ہوگئے۔ دوسری جانب گل بہار کے علاقے حاجی مرید گوٹھ میں پولیس اور رینجرز نے مشترکہ آپریشن کے دوران پندرہ افراد کو گرفتار کرلیا۔ ایس ایس پی سنٹرل کے مطابق ملزمان سے ایک سیون ایم ایم رائفل اور تین پستول اور منشیات برآمد ہوئیں۔