لاہور ( سپورٹس رپورٹر ) بیسویں نیشنل سینئرز کرکٹ کپ میںآفتاب قرشی نے ایس اے سکول سینئرز کو 8 وکٹوں سے ہرا دیا۔ اتفاق کرکٹ گرائونڈ ایل آر سی اے میںایس اے سکول سینئرزنے پہلے کھیلتے ہوئے 28.3 اوورز میں تمام کھلاڑیوں کے نقصان پر 150 رنز بنائے۔ بابر بٹ نے 49، محمد ضیاء نے31 رنز بنائے۔ آفتاب قرشی کی جانب سے جاوید ملک ، عمران حفیظ نے تین ،تین ، تحسین مرزا نے دو ، کاشف شفیع اور اسد شاہ نے ایک، ایک وکٹ حاصل کی۔ جواب میں آفتاب قرشی نے 20.3 اوورز میں 2 کھلاڑیوں کے نقصان پر مطلوبہ سکور پوراکرلیا۔ محسن آفتاب قرشی نے 39، فراز حسین 48 ناٹ آئوٹ اور آصف اعجاز نے 32 رنز ناٹ آئوٹ بنائے۔