جنسی جرائم: ہالی وڈ فلمساز ہاروی وائن سٹائن کو 23 برس قید

نیو یارک (نیٹ نیوز) بالی وڈ کے سابق فلم ساز ہاروی وائن سٹائن کو عصمت دری اور جنسی زیادتی کے جرم میں 23 برس قید کی سزا سنائی گئی ہے۔ نیویارک کی ایک عدالت نے گزشتہ ماہ انہیں مختلف نوعیت کے جنسی جرائم کا مرتکب قرار دیا تھا۔ ہاروی وائن سٹائن جن کا شمار ہالی وڈ کے چوٹی کے فلم سازوں میں ہوتا تھا اور ان کا نام شہرت کی بلندیوں پر تھا، جنسی جرائم کے الزامات سامنے آنے کے بعد شہرت کی بلندیوں سے بدنامی کی پستیوں میں گر گئے ہیں۔ سڑسٹھ سالہ ہاروی وائن سٹائن بدھ کے روز جب ان کو سزا سنائی جانے والی تھی تو وہ ایک وہیل چیئر پر بیٹھ کر عدالت میں پیش ہوئے۔