نیشنل اسٹیڈیم میں پی ایس ایل کے آج ہونے والے میچ سے قبل کورونا وائرس سے بچاؤ کے لیے حفاظتی انتظامات کرلیے گئے۔پی ایس ایل 5 کے 26 ویں میچ میں آج لاہور قلندرز اور کراچی کنگز کے درمیان مقابلہ ہوگا جو  نیشنل اسٹیڈیم کراچی میں شام 7 بجے شروع ہوگا۔لیکن میچ سے قبل کورونا وائرس کے باعث انتظامیہ نے اسٹیٹدیم میں حفاظتی انتظامات کیے جن کے تحت اسٹیڈیم میں فیومیگیشن اور  تمام انکلوژر میں اسپرے کیا گیا۔ڈسٹرکٹ ایسٹ نے سات ڈاکٹروں پر مشتمل ٹیم تیار کی ہے جو نیشنل اسٹیڈیم میں اسکریننگ کیلئے پہنچ گئی ہے۔ٹیم کی سربراہی کرنے والے ڈاکٹر عمیر کا کہنا ہے کہ نیشنل اسٹیڈیم کےگیٹس پر تماشائیوں کی اسکرینگ کی جائے گی پر تھرمل اسکرینگ کا عمل ممکن نہیں جب کہ تماشائیوں کا ٹمپریچر چیک کیا جائے گا، ٹریول ہسٹری پوچھی جائے گی۔اسٹیڈیم میں داخلے کے لیے تھرمل اسکریننگ مشینیں اور سینیٹائزر ابھی نہیں لگائے گئے جو جلد ہی لگائے جانے کا امکان ہے۔دوسری جانب کمشنرکراچی افتخار شلوانی نے اسٹیڈیم جانے والوں کے لیے ایڈوائزری جاری کی ہے جس میں شائقین کو احتیاطی تدابیر اختیار کرنے کا مشورہ دیاگیا ہے۔کشمنر کراچی نے کہا ہے کہ اسٹیڈیم آنے والوں کی تھرمل اسکریننگ ہوگی جب کہ انہوں نے کھانسی اور نزلہ زکام کی صورت میں شائقین کو اسٹیڈیم نہ آنے کی بھی ہدایت کی ہے۔واضح رہےکہ پاکستان میں اب تک کورونا وائرس کے 20 کیسز سامنے آچکے ہیں جن میں سندھ میں 15، اسلام آباد اور گلگت بلتستان میں 2،2 اور ایک کیس کوئٹہ میں سامنے آیا۔