ہارس اینڈ کیٹل شو کا انعقاد ،بزدار حکومت کی بڑی کامیابی ہے:آشفہ ریاض فتیانہ

لاہور(لیڈی رپورٹر)صوبائی وزیر ویمن ڈویلپمنٹ ڈیپارٹمنٹ پنجاب آشفہ ریاض فتیانہ نے کہا ہے کہ6سال بعد ہارس اینڈ کیٹل شو 2022ء کا انعقاد بلاشبہ حکومت پنجاب اور وزیر اعلی پنجاب سردار عثمان بزدار کی ایک بہت بڑی کامیابی ہے۔ شو میں نیزابازی،ڈاگ شو،گھوڑ ڈانس،اونٹ ڈانس، مشعل پریڈ،جمناسٹک شو،شمع پریڈ،موٹر سائیکل کرتب، فری فال کا مظاہرہ شکاری کتوں کی دوڑاور اس کے علاوہ لائیو سٹاک کی جانب سے مختلف نسل کی گائے بھینسوں بھیڑ اور بکریوں کی نمائش بھی کی گئی۔ تماشائیوں کی جانب سے تمام شو میں گہری دلچسپی کا اظہار کیا جا رہا ہے۔ ایونٹ سے پنجاب کی عوام کو بالعموم اور لاہور کی عوام کو بالخصوص بھرپور تفریح کا موقع فراہم کیا گیا ہے۔ شو میں ملک بھر کی ثقافت کو بہترین انداز میں اجاگر کیا گیا۔