ملتان(سپورٹس ڈیسک)انگلش پریمیئر فٹ بال لیگ میں چیلسی نے ناروچ سٹی کو ،آسٹن ولا نے لیڈز یونائیٹڈ کو ،  نیو کیسل یونائیٹڈ نے سائوتھمپٹن اور وولور ہیمپٹن  نے واٹ فورڈ  کو شکست دے دی۔ پریمیئر لیگ کے دلچسپ مقابلے انگلینڈ میں جاری ہیں۔ کیرو روڈ، ناروچ  میں کھیلے گئے میچ میں چیلسی کی ٹیم نے میزبان ناروچ سٹی کی ٹیم کو 1 کے مقابلے میں 3 گول سے ہرا دیا۔ ایلنڈ روڈ، لیڈز کے مقام پر کھیلے گئے میچ میں آسٹن ولا کی ٹیم نے  لیڈز یونائیٹڈ کو بآسانی 3-0گول سے ہرا دیا۔ سینٹ میریز سٹیڈیم، ساتھمپٹن میں کھیلے گئے میچ میں نیو کیسل کی ٹیم نے سائوتھمپٹن کی ٹیم کو 1کے مقابلے میں 2 گول سے ہرا دیا۔ مولینکس سٹیڈیم، وولور ہیمپٹن میں کھیلے گئے میچ میں وولور ہیمپٹن کی ٹیم نے شاندار کھیل پیش کرتے ہوئے حریف واٹ فورڈ کی ٹیم کو یکطرفہ مقابلے کے بعد4-0 گول سے ہرا دیا۔