iجے 10 سی کی شمولیت، وزیراعظم کو گارڈ آف آنر، فلائی پاسٹ کا مظاہرہ فضائیہ نے ملی نغمہ جاری کردیا

اسلام آباد (خبرنگار خصوصی) جے ٹین سی طیارہ فضا سے زمین اور سمندر میں ٹارگٹ کرنے کی صلاحیت رکھتا ہے۔ مہمان خصوصی وزیراعظم عمران خان کو گارڈ آف آنر پیش کرنے کے بعد لڑاکا طیاروں میراج، جے ایف سولہ اور جے ایف سترہ نے فلائی پاسٹ کا شاندار مظاہرہ کیا۔ طیاروں نے شاندار فارمیشن سے سبز ہلالی پرچم کے رنگ آسمان پر بکھیرے۔ تقریب میں چینی ساختہ لڑاکا طیارے جے ٹین سی کی گرجدار آمد سے حاضرین دنگ رہ گئے۔ جدید فائٹر ایئرکرافٹ جے ٹین سی بحری جہاز تباہ کرنے والے میزائلوں سے لیس ہے اور بھارتی رافیل طیاروں کا مقابلہ کرنے کی بھرپور صلاحیت رکھتا ہے۔ دوسری جانب پاک فضائیہ کے شعبہ تعلقات عامہ نے فضائی بیڑے میں جے۔10 سی جہازوں کی شمولیت کی مناسبت سے ملی نغمہ جاری کیا ہے، جس میں پاک فضائیہ کے بہادر شاہینوں کو خراج تحسین پیش کیا گیا ہے۔ ملی نغمے میں اس عہد کی بھی تجدید کی گئی ہے کہ پاک فضائیہ کا ہر جوان ارض پاک کی ناموس کی حفاظت کے لیے کسی بھی قربانی سے دریغ نہیں کرے گا۔
ملی نغمہ