شیخوپورہ (نمائندہ خصوصی+ نمائندہ نوائے وقت) چند ماہ قبل نارنگ منڈی کے علاقہ اونچا پنڈ سے ملنے والی نامعلوم خاتون کی نعش کا معمہ حل ہوگیا نارنگ پولیس نے ڈی پی او شیخوپورہ فیصل مختار کی ہدایت پر اندھے قتل کے ملزموں کو تلاش کر کے گرفتار کر لیا بتایا جاتا ہے کہ ملزمان نے مقتولہ صابرہ بی بی کو مریدکے سے نارووال جانے کیلئے گاڑی پر لفٹ دی اور دوران سفر مقتولہ نے ملزموں کو بتایا کہ وہ روزگار کے سلسلہ میں نارووال جا رہی ہے جسے ملزموں نے نوکری دینے کے بہانے نارنگ کے نواحی گائوں اونچا پنڈ لے گئے اور تینوں ملزم شبیر ، حسین اور عابد نے خاتون سے اجتماعی زیادتی کی اور راز فاش ہونے کے ڈر سے مقتولہ کو تشدد کا نشانہ بنانے کے بعد گلا گھوٹ کر قتل کر دیا تھا مقتولہ لاہور کی رہائشی تھی اور نوکری کی تلاش میں گھر سے نکلی تھی نارنگ پولیس نے مقتولہ کے بھائی امجد کی مدعیت میں مقدمہ درج کرکے تفتیش شروع کر دی ۔