گوجرانوالہ(نمائندہ خصوصی)پنجاب کونسل آف دی آرٹس گوجرانوالہ ڈویژن کے زیر اہتمام’’ پنجاب ٹیلنٹ ہنٹ‘‘ پروگرام کے ضلعی مقابلے پنجاب کونسل آف دی آرٹس کے کمپلیکس میں ہوئے،ضلع گوجرانوالہ میں بھی باقی اضلاع کی طرح چھ کیٹیگریز میں مقابلے ہوئے جس میں موسیقی، دستکاری، تخلیقی ادب، مصوری تھیٹر اور لوک رقص شامل ہیں۔مقابلہ موسیقی میں زبلون مسیح نے اول پوزیشن حاصل کی۔مصوری میں خدیجہ نواز، افسانہ نگاری میں تحریم فاطمہ، دستکاری میں اشمل، تھیٹر میں زاہدعلی کے اصلاحی کھیل وارث جبکہ لوک رقص میں شرافت گروپ اول پوزیشنیں لینے میں کامیاب رہے۔