فاطمہ الزہرہ زچہ وبچہ ہسپتال خدمت میں اپنی مثال آپ ہوگا، چوہدری ظفر

 چکری(نامہ نگار)الپیال ویلفیئر ٹرسٹ کے جنرل سیکرٹری چوہدری ظفرالپیال نے کہاہے کہ الپیال ویلفیئر ٹرسٹ کے منشور میں عوامی فلاح وبہبود کے ایجنڈے کو پروان چڑھانا ہے اس وژن کی تکمیل میں ہماری پوری ٹیم محنت اور لگن سے اپنے فرا ئض سرانجام دے رہی ہے اربوں روپے کی لاگت سے تعمیر کیا جانے والا فاطمہ الزہرہ زچہ وبچہ ہسپتال خدمت  میں اپنی مثال آپ ہوگاہم ان تمام لوگوں کے مشکور ہیں جو نیکی کے اس سفر میں ہمارے ساتھ قدم سے قدم ملا کرچل رہے ہیں ان کی دن رات کاوشوں سے اس ہسپتال کا ستر فیصد کام مکمل ہوگیا ہے تاہم اس کی مکمل تکمیل کے لئے مزید سرمائے کی ضرورت ہے صاحب ثروت لوگوں سے التماس ہے کہ وہ جب بھی چکری روڈ سے گزریں تو راجڑ سٹاپ کے نزدیک بننے والے فاطمہ الزہرہ ہسپتال کی سائیٹ کا وز ٹ ضرور کریں اس کے بعد فیصلہ کریں ہم اپنی ٹیم کے ہمراہ آنے والے دنوں میںاس ہسپتال کے لئے عطیات جمع کرنے کے لئے ایک تقریب کا انعقاد کررہے ہیں آپ تمام لوگوں سے التماس ہے کہ اس تقریب میں ضرور شرکت کریں تاکہ زیر تعمیر ہسپتال کا جو کام رہ گیا ہے اس جلد سے جلد مکمل کرکے عوام کی سہولت کے لئے کھولا جائے  بلاشبہ یہ ایک بہت بڑا نیکی کا کام ہوگا۔