ضرورت کی اشیا خریدنے کیلئے گھر کا ایک فرد 2دن کے بعد باہر جا سکتا ہے ‘تمام شہریوں کو وقفوں سے 3مرتبہ ٹیسٹ کروانا ہوگا
چین نے اومیکرون ویریئنٹ کے باعث کورونا کیسز میں اضافے کے بعد 90 لاکھ نفوس پر مشتمل شمالی مشرقی شہر چینگ چن میں لاک ڈاو¿ن کا نفاذ کر دیا ہے۔امریکی نیوز ایجنسی اے پی کے مطابق لوگوں کو گھروں میں رہنے کا کہا گیا ہے۔ ضرورت کی اشیا خریدنے کے لیے گھر کا ایک فرد دو دن کے بعد باہر جا سکتا ہے جبکہ تمام شہریوں کو وقفوں سے تین مرتبہ ٹیسٹ کروانا ہوگا۔اس کے علاوہ غیر ضروری کاروباری مراکز بند رہیں گے اور مختلف روٹس پر پبلک ٹرانسپورٹ بھی بند رہے گی۔گزشتہ روز چین میں کورونا وائرس کے 397 نئے کیسز رپورٹ ہوئے جن میں سے 98 جیلین صوبے میں سامنے ا?ئے ہیں۔ گزشتہ ہفتے سے اب تک اس صوبے میں 11 سو کیسز رپورٹ ہو چکے ہیں۔چنگ چن شہر میں گزشتہ روز صرف دو کیسز سامنے آئے اور حالیہ دنوں میں اب تک ک±ل 78 کیسز رپورٹ ہو چکے ہیں۔ چینی حکومت پہلے ہی اعلان کر چکی ہے کہ کسی کمیونٹی میں ایک یا دو کیس رپورٹ ہوئے تو لاک ڈاو¿ن نافذ کر دیا جائے گا۔صوبہ جیلین کے ایک اور شہر میں 93 کیسز سامنے آئے تھے جس پر حکام پہلے ہی آدھے شہر کو لاک ڈاو¿ن کرنے کا حکم دے چکے ہیں اور ٹرانسپورٹ کے کئی روٹس بھی بند کر دیے گئے ہیں۔جیلین ایگریکلچر سائنس یونیورسٹی میں کلسٹر کیسز سامنے آنے کے بعد انتظامیہ کے کئی عہدیداروں کو ملازمت سے برطرف کر دیا گیا ہے جبکہ طلبا نے سوشل میڈیا پر شکایت کرتے ہوئے کہا ہے کہ جن افراد کے ٹیسٹ مثبت آئے ہیں ا±نہیں لائبریری اور دیگر عمارتوں میں بند کیا جا رہا ہے۔جیلین ایگریکلچر سائنس یونیورسٹی نے اب تک 74 کیسز رپورٹ کیے ہیں اور چھ ہزار سے زائد طلبا کو قرنطینہ کیا گیا ہے۔
