سیہون شریف‘ اسلام آباد (نوائے وقت رپورٹ+ خصوصی نامہ نگار) صوفی بزرگ حضرت  لعل شہباز قلندر کی 771 ویں تین روزہ عرس کی تقریبات کا باقاعدہ آغاز ہو گیا ہے۔ حضرت لعل شہباز قلندر کے عرس کا افتتاح گورنر سندھ نے پھولوں کی چادر چڑھا کر کیا۔ بلاول بھٹو زرداری نے کہا کہ حضرت لال شہباز قلندر کا پیغام دنیا میں محبت‘ رواداری اور بھائی چارہ ہے۔ اپنے پیغام میں انہوں  نے کہا کہ حضرت لال شہباز قلندر معاشرے میں عدم برداشت اور انتہاپسندی کے خلاف آہنی دیوار کا نام بھی ہے۔