لاہور(سپورٹس رپورٹر)پاکستان سپر لیگ میں رائیلی روسو کا تیز ترین سنچری کا ریکارڈ 24 گھنٹوں میں ٹوٹ گیا۔ ملتان سلطانز کے عثمان خان نے پی ایس ایل 8 کے 28ویں میچ میں تیز ترین سنچری کا ریکارڈ بنادیا۔ عثمان خان نے کوئٹہ گلیڈی ایٹرز کیخلاف 36 گیندوں پر سنچری داغ دی۔ تیز ترین سنچری بنانے کا ریکارڈ ملتان سلطانز کے رائیلی روسو کے پاس تھا، انہوں نے ایک روز قبل پشاور زلمی کیخلاف 41 گیندوں پر سنچری بنا ئی تھی۔ عثمان خان نے 43 گیندوں پر 120 رنز کی اننگز کھیلی جو پی ایس ایل میں کسی بھی پاکستانی کی جانب سے سب سے بڑی اننگز بھی تھی۔ 12 چوکے اور 9 چھکے لگائے۔