گوجرانوالہ (نمائندہ خصوصی) سفاکیت کی انتہا ہو گئی۔ خاتون نے آشنا سے مل کر دیور کو قتل کر کے نعش ویران مکان میں دفنا دی۔ پولیس نے ملزمہ خاتون کو گرفتار کر کے نعش برآمد کر لی۔ بتایا گیا ہے کہ تھانہ باغبانپورہ کے علاقہ میں تاجر شاہد نظیر چند دن قبل لاپتہ ہوگیا تھا جس کے اغواء کا مقدمہ اس کی بیوی کی مدعیت میں درج کرایا گیا۔ پولیس نے شک پڑنے پر جب لاپتہ تاجر کی بھابھی سے پوچھ گچھ کی تو سچ سامنے آگیا۔ ملزمہ نے ابتدائی تفتیش میں اقرار کیا ہے کہ اس نے رقم اور جائیداد ہتھیانے کیلئے اپنے آشنا کے ساتھ مل کر دیور شاہد  کو قتل کر کے اس کی نعش ایک نجی ہائوسنگ سوسائٹی میں زیر تعمیر مکان میں دفنا دی تھا۔