فیروزوالا (نامہ نگار) جی ٹی روڈ کی آبادی منوں آباد کے قریب مبینہ پولیس مقابلہ میں ساتھیوں کی فائرنگ سے بھتہ اور اغوا کے علاوہ دیگر وارداتوں میں ملوث خطرناک سجاد حسین عرف گھوڑا ہلاک ہو گیا۔ ملزم فرار ہوگئے۔بتایا گیا کہ مریدکے پولیس بھتہ‘ اغوا سمیت دیگر جرائم میں ملوث ملزم سجاد عرف گھوڑا کو برآمدگی اسلحہ کیلئے لے جا رہے تھی کہ جی ٹی روڈ کی آبادی منوں آباد کے قریب ساتھیوں نے  اس کو چھڑانے کی کوشش کی۔ پولیس اور ملزموں کے درمیان فائرنگ ہوئی۔ ان کا اپنا ساتھی سجاد حسین عرف گھوڑا ہلاک ہو گیا۔