لاہور (نامہ نگار) کائونٹر ٹیررازم ڈیپارٹمنٹ ( سی ٹی ڈی ) نے دہشت گردی کے تناظر میں کارروائیاں تیز کردیں ،پنجاب کے مختلف اضلاع میں آئی جی پنجاب کی ہدایت پر 45کومبنگ و سرچ آپریشن  کیے گئے ۔ حکام کے مطابق آپریشنز کے دوران 2114مشتبہ افراد سے پوچھ گچھ کی گئی ، کارروائی کے دوران 530افراد کی بائیو میٹرک تصدیق کی گئی ، کومبنگ آپریشنز میں 4مشتبہ افراد گرفتار ، مقدمات درج کرلیے ۔لاہور میں آپریشن کے دوران 1002افراد سے پوچھ گچھ کی گئی ، ڈیرہ غازی خان سے تین مشتبہ افراد گرفتار کیے گئے ، راولپنڈی میں کومبنگ آپریشن کے دوران ایک مشتبہ شخص کو گرفتار کیا گیا ۔