لاڑکانہ (نوائے وقت رپورٹ) ایران میں گیس سلنڈر پھٹنے کے باعث گڑھی خدا بخش بھٹو کے رہائشی 5 افراد جاں بحق ہو گئے۔ راضی پتافی کے رہائشی ایک ہی خاندان کے 5 افراد زخمی بھی ہوئے ہیں۔ گیس سلنڈر ایران کے علاقے فلعہ گابری میں مقیم منیر پتافی کے گھر میں پھٹا،  منیر پتافی کے 2 بیٹے اور 3 بھانجیاں جاں بحق ہوئیں۔ مرنے والوں میں 19 سالہ غلام رضا، 16 سالہ محرم علی، 6 سالہ بھٹائی، 3 سالہ ام فروا اور ایک سال کی شیریں شامل ہیں، جھلسنے والوں میں 4 عورتیں اور ایک مرد شامل ہے۔ لواحقین نے بتایا کہ پتافی خاندان 25 برس  سے ایران میں مقیم تھا۔ میتیں 2 دن میں گاؤں پہنچ جائیں گی۔