اے این ایف کی کاروائیاں ،991کلو گرام سے زائد منشیات برآمد کر کے 10ملزمان گرفتار کر لیے 

لاہور ( این این آئی) اینٹی نارکوٹکس فورس کا منشیات اسمگلنگ کے خلاف کاروائیوں کا سلسلہ جاری ہے ، 12کاروائیوں میں 991کلو گرام سے زائد منشیات برآمد کر کے 10ملزمان گرفتار کر لیے گئے ۔ترجمان اے این ایف کے مطابق کراچی ائیرپورٹ پر دو ملزمان سے 1914عدد نشہ آور گولیاں اور کیپسولز برآمد، لاہور ائیرپورٹ سے برطانیہ بھیجے جانے والے پارسل سے 4.8 کلو ہیروئن برآمد کر کے 2 ملزم گرفتار کیے گئے ،پشاور ایئرپورٹ پر دوحہ جانے والے مسافر سے 4کلو آئس برآمد، ملتان میں کوریئر آفس میں برطانیہ سے بھیجے گئے پارسل سے 600 گرام ویڈ برآمد، لاہور ایئرپورٹ پر دوحہ جانے والے مسافر سے 600 گرام ہیروئن برآمد، لاہور ائیرپورٹ پر دوسری کاروائی میں جدہ جانے والے مسافر سے 92 ہیروئن بھرے کیپسولز برآمد ،چمن سے 270کلو ہیروئن اور 238 کلو مارفین برآمد، چمن روڈ کوئٹہ کے قریب سے 350 کلو چرس برآمد، نوکنڈی چاغی سے 100 کلو افیون برآمد، سائوتھ ایشیا پاکستان ٹرمینل کراچی سے 21 کلو چرس برآمد، ایکسپریسس ہائی وے، اسلام آباد کے قریب دو ملزمان سے 2.4 کلو چرس برآمد اور ہری پور میں ملزم سے 250 گرام چرس برآمد ہوئی ۔ ترجمان اے این ایف کے مطابق گرفتار ملزمان کے خلاف انسدادِمنشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔