شیخوپورہ(نما ئندہ خصوصی)مسلم لیگ قیوم کے مرکزی صدرسیدفقیرحسین بخاری گزشتہ روزانتقال کر گئے ان کوان کے آبائی علاقہ منڈیالہ ورکاں شیخوپورہ میں سپردخاک کردیاگیا۔سید فقیر حسین بخاری کی تعزیت کیلئے سابق وزیر اعظم آزادوجموں کشمیر سردارعتیق خان،پاکستان تحریک انصاف نظریاتی کے چیئر مین اختراقبال ڈاران کی رہائش گاہ منڈیالہ ورکاں گئے اور ان کے بیٹوں کے ساتھ اظہارتعزیت کرتے ہوئے ان کے ایصال وثواب کیلئے فاتحہ خوانی کی اور مرحوم کے لواحقین کیلئے صبر جمیل کی دعا کی۔ دریں اثناء اختر اقبال ڈار اور سردار عتیق احمدخان نے سید فقیر حسین بخاری مرحوم کی سیاسی سماجی خدمات کو خراج تحسین پیش کرتے ہوئے کہا کہ مرحوم نے خدمت کے ساتھ ساتھ نوجوانوں کی سیاسی تربیت کی۔