شیخوپورہ(نامہ نگارخصوصی)دی نیشنز سکول سسٹم شیخوپورہ کی سالانہ تقریب تقسیم انعامات، مقامی مارکی میں ہوئی جس میںایس پی انویسٹی گیشن رانا غلام عباس،ڈپٹی کمانڈنٹ امداد اللہ،صدر بار سجاد باقر ڈوگر ، میاں امجد لطیف ،ڈائریکٹر سید علی عباس کے علاوہ ایپسیما مرکزی عہدیداران، سکولز اینڈ کالجز پرنسپلز سمیت لوکل ڈسٹرکٹ گورنمنٹ، محکمہ پولیس، موٹروے پولیس، ڈسٹرکٹ بار شیخوپورہ اور صحافی برادری نے شرکت کی،اس موقع پربچوں نے آپؐ کی شانِ اقدس بیان کی، رنگا رنگ ورائٹی پروگرامز، ٹیبلوز اور ملی نغمے پیش کئے،تمام معزز مہمانوں نے کامیاب ہونے والے طلبہ و طالبات کی حوصلہ افزائی کی اور تمام والدین کو مبارک باد پیش کی، مقررین نے اپنی تقاریر میں بچوں کی خود اعتمادی پر اساتذہ اور سکول انتظامیہ کی محنت کو سراہا۔