لاہور(سپورٹس رپورٹر ) توصیف کلب نے حاجی رانا زاہد اقبال اینڈ ماسٹر محمد رمضان جٹ میموریل فٹ بال ٹورنامنٹ جیت لیا جبکہ اولکھ کلب نے دوسری پوزیشن حاصل کی۔گزشتہ روز 41 ج۔ب فٹ بال گرانڈ، فیصل آباد میں ٹورنامنٹ کا فائنل میچ توصیف کلب اور اولکھ کلب کی ٹیموں کے درمیان کھیلا جائے گا جس میں توصیف کلب نے اولکھ کلب کو پنلٹی ککس سے ہرا کر چیمپئن ہونے کا اعزاز حاصل کیا۔مقررہ وقت میں دونوں ٹیمیں گول کرنے میں کامیاب نہ ہو سکیں۔ فائنل سے قبل دو سیمی فائنل میچ کھیلے گئے۔ پہلے سیمی فائنل میچ میں اولکھ کلب نیالعمرکلب کو ایک سخت مقابلے کے بعد 0-1 گول سے ہرا کر فائنل میں جگہ بنائی۔فاتح ٹیم کی جانب سے واحد گول ساغر نے کیا۔ دوسرے سیمی فائنل میچ میں توصیف کلب سرلی نے جھنڈا نوالا کلب کو ایک سخت مقابلے کے بعد 0-1 گول سے ہرا کر فائنل میں جگہ بنائی۔ فاتح ٹیم کی جانب سے واحد گول معظم علی نے کیا ۔