لاہور (سپورٹس رپورٹر) کوئٹہ گلیڈی ایٹرز کے اوپنر جیسن روئے نے ذاتی وجوہات کی بنا پر آئندہ انڈین پریمیئر لیگ (آئی پی ایل) میں شرکت نہ کرنے کا فیصلہ کیا ہے۔ میڈیا رپورٹس کے مطابق جیسن روئے کو ابتدائی طور پر آئی پی ایل میں کولکتہ نائٹ رائیڈرز کیلئے کھیلنے کے لیے تیار کیا گیا تھا۔ تاہم نائٹ رائیڈرز نے جیسن روئے کی جگہ لینے کیلئے فل سالٹ کا انتخاب کیا ہے۔ آئی پی ایل 22 مارچ سے شروع ہونے والا ہے۔ پاکستان سپر لیگ (پی ایس ایل) کے رواں سیزن کے دوران روئے نے 7 میچوں میں 231 رنز بنائے۔ اس سے قبل جیسن روئے انگلینڈ کے لیے پانچ ٹیسٹ، 116 ون ڈے اور 64 ٹی ٹوئنٹی کھیل چکے ہیں۔