فیروزوالہ( نامہ نگار) ڈسٹرکٹ پولیس افسرشیخوپورہ زاہد نواز مروت کی ہدایت پر پتنگ بازوں، پتنگیں، ڈوریں تیار کرنے اور فروخت کرنے والوں ، مفرور اشتہاری ملزموں منشیات فروشوں کے خلاف چلائی جانے والی خصوصی مہم پر عمل درآمد کرتے ہو ئے ایس ایچ او فیروز والا رانا سجاد اکبر نے ٹیم کے ہمراہ  تمام تر وسائل کو بروئے کار لاتے ہو ئے 25 جرائم پیشہ عناصر کو گرفتار کر لیا جن میں 10 اشتہاری ملزمان ،7 پتنگ بازوں ،5منشیات فروش، 4 افراد کو ہوائی فائرنگ کرنے پر گرفتار کر کے ان کے قبضہ سے لاکھوں روپے مالیت کی بھاری مقدار میں اعلیٰ کوالٹی کی منشیات، پتنگ ڈوریں اور ناجائز اسرہ برآمدکر لیا۔ ایس ایچ او فیروز والا رانا سجاد اکبر نے بتایا ہے کہ تھانہ بھر کی حدود میں جرائم پیشہ عناصر کے خلاف اور روزانہ کی بنیاد پر کاروائیاں جاری ہیں ۔