نئی دہلی (آن لائن) بھارتی آرمی چیف جنرل وی کے سنگھ نے کہا ہے کہ ہم اپنی آرٹلری کو جدید صلاحیتوں سے آراستہ کرنے اور فائر پاور بڑھانے میں کافی لیٹ ہو چکے ہیں اب اس میں مزید تاخیر کی گنجائش نہیں ہے بھارتی میڈیا رپورٹ کے مطابق کنفیڈریشن آف انڈین انڈسٹریز کے زیراہتمام سیمینار سے خطاب کرتے ہوئے انہوں نے کہا کہ ہمیں آرٹلری کی مضبوطی اور اس کو جدید سہولیات سے آراستہ کرنے کے لئے بہت پہلے اقدامات کرنے چاہئیں تھے تاہم اب اس حوالے سے مزید تاخیر کی گنجائش نہیں۔ ضرورت اس بات کی ہے کہ اپنی دفاعی صلاحیتوں کو بڑھانے کے لئے آرٹلری کو بھی مضبوط کیا جائے چونکہ دیگر کئی ممالک نے اس شعبے میں بہت ترقی کی ہے۔