لیگی دھڑوں میں اتحاد کے حوالے مسلم لیگ ہم خیال گروپ کے چیئرمین حامد ناصر چٹھہ، گروپ کے صدر سلیم سیف اللہ خان، سیکرٹری جنرل ہمایوں اخترخان اورسابق سپیکرگوہرایواب سمیت پندرہ رکنی وفد کے ہمراہ میاں نواز شریف سے جاتی عمرہ رائیونڈ میں ملاقات کریں گے۔ دوسری جانب اس اہم ملاقات میں نواز شریف کی معاونت کیلئے وزیراعلی شہباز شریف، قومی اسمبلی میں قائد حزب اختلاف چوہدری نثار علی خان، اسحاق ڈار، اقبال ظفر جھگڑا سمیت سنئیررہنما موجود ہوں گے۔ نون لیگ کے صدرمیاں نواز شریف جو کہ ہم خیال گروپ کے چیرمین حامد ناصر چٹھہ کے حوالے سیاسی تحفظات رکھتے تھے وہ ان سے پندرہ سال بعد ملاقات کریں گے۔ دوسری جانب ہم خیال گروپ کے سیکرٹری جنرل ہمایوں اخترمسلم لیگ فنکشنل اورقاف لیگ کے بھی متعدد رہنماؤں کے ساتھ رابطے میں ہیں۔ زرائع کا کہنا ہے کہ دونوں جماعتوں کے درمیان ہونے والے اتحاد میں آئندہ کے عام انتخابات کے حوالے سے بھی تمام معاملات طے ہوچکے ہیں۔