”انتخابات میں کامیابی“ مسلم لیگ (ن) کے کارکنوں کا جشن‘ سڑکوں پر نکل آئے‘ مٹھائیاں اور پھول شریف برادران کو پیش کئے

لاہور (خصوصی رپورٹر+ نامہ نگار) مسلم لیگ ن کی کامیابی پر مسلم لیگی کارکن اور ان کے حامی سڑکوں پر نکل آئے، خوشی سے بھنگڑے ڈالے گئے جبکہ مسلم لیگی کارکنوں نے ہزاروں کی تعداد میں داتا دربار پر حاضری دی اور شکرانے کے نوافل ادا کئے۔ مسلم لیگی رہنما اور کارکن پھول اور مٹھائیاں لے کر ماڈل ٹاو¿ن پہنچ گئے جہاں انہوں نے مسلم لیگ (ن) کے قائدین نوازشریف، شہبازشریف کو مسلم لیگ کی کامیابی پر مبارک اور دعا دی۔ پی پی 140 سے نو منتخب رکن پنجاب اسمبلی ماجد ظہور اور مسلم لیگ (ن) لاہور کے جوائنٹ سیکرٹری خواجہ سعد فرخ کی قیادت میں مسلم لیگی کارکنوں نے داتا دربار پر حاضری دی۔ مسلم لیگیوں نے علامہ اقبال ٹاو¿ن، مسلم ٹاو¿ن اور اندرون شہر میں خوشی سے آتش بازی بھی کی۔ دریں اثناء انتخابات میں جیتنے والے امیدواروں کے حامی رات گئے شہر کے مختلف علاقوں میں اندھا دھند ہوائی فائرنگ کرتے رہے جس سے رات بھر شہر کے مختلف علاقے گولیوں کی تڑ تڑاہٹ سے گونجتے رہے۔ جبکہ اسی صورت حال پر پولیس خاموشی تماشائی بنی رہی اور کوئی کارروائی نہیں کی۔
مسلم لیگ