کراچی ( اسپورٹس رپورٹر) مارٹاوومن فٹبال کلب کی ٹاپ مینجمنٹ نے پاکستانی فٹبال ٹیم کے برازیلین کوچ جوس اینٹونیو نوگویرا سے مقامی ہوٹل میں ملاقات کی۔ کلب کے فائونڈر اور صدر رئیس خان نے انہیں کلب سے متعلق تفصیلات سے آگاہ کیا۔ انہوں نے بتایا کہ کلب کی بنیاد 2011 میں رکھی گئی، ہمارے پاس قومی سطح کے پلیئرز موجود ہیں جو بین الاقوامی سرکٹ میں پاکستان کی نمائندگی کرتے ہیں۔ جوس اینٹونیو نوگویرا نے مارٹاوومن فٹبال کلب کی کاوشوں کو سراہا اور اس امید کا اظہار کیا کہ مارٹا وومن فٹبال کلب مستقبل میں بھی اپنی کارکردگی کو مزید فعال بنائے گی۔ رئیس خان نے جوس اینٹونیونوگیرا کو کلب کا سوونیئر بھی پیش کیا۔ برازیلین کوچ قومی فٹبال ٹیم نے گفتگو کرتے ہوئے کہا کہ وومن فٹبال بھی بہت اہم ہیں اور میں پاکستان میں قیام کے دوران وومن فٹبال ڈویلپمنٹ کیلئے بھی کردار ادا کروں گا۔