ملتان (کرائم رپورٹر) تھانہ سٹی جلالپور کے علاقہ میں تین ڈاکوؤں نے ڈولفن اہلکار ارشاد حسین واس کے دوستوں سے 4 موبائل و نقدی چھین لی جبکہ ڈکیتی و چوری کی دیگر وارداتوں میں لاکھوں روپے کا مال لوٹ لیا گیا تھانہ گلگشت کے علاقہ میں نامعلوم چوروں نے شاہ جہاں اور فیضان کے موبائل فون چوری کر لئے‘ تھانہ شاہ رکن عالم کے علاقہ میں نامعلوم چوروں نے الیاس کی دکان سے 85 ہزار کا سامان چوری کر لیا‘ تھانہ سیتل ماڑی کے علاقہ سے چوروں نے عرفان کی دو موٹر سائیکلیں چوری کر لیں‘ تھانہ قطب پور کے علاقہ سے چوروں نے حماد کی موٹر سائیکل چوری کر لی‘ تھانہ راجہ رام کے علاقہ میں عبدالرحمن وغیرہ نے سکینہ بی بی کی 60 ہزار کی گندم چوری کر لی‘ اسی علاقہ میں چوروں نے سکول سے 10 ہزار کا سامان چوری کر لیا تھانہ سٹی شجاع آباد کے علاقہ میں تین مسلح ڈاکوؤں نے احمد حسن سے 15 ہزار نقدی لوٹ لی اور فرار ہو گئے