دبئی میں نمائش 2020ءکی جگہ پر آگ بھڑک اٹھی ہے۔متحدہ عرب امارات کے حکام نے کہاہے کہ آتش زدگی کے اس واقعے میں کوئی شخص زخمی نہیں ہوا ہے۔دبئی کے جنوب میں واقع عالمی نمائش کی جگہ سے بہت دور سے سیاہ دھویں کے بادل اٹھتے ہوئے نظر آرہے تھے۔میڈیارپورٹس کے مطابق حکام نے کہاکہ ایکسپو 2020ءکی جگہ پر تعمیراتی کچرے کے ڈھیر میں آگ لگی تھی اور اس پرقابو پا لیا گیا ہے۔تاہم انھوں نے اس کی مزید تفصیل نہیں بتائی ہے۔دبئی میں ایکسپو2020 کا اہتمام کرنے والی پیرس میں قائم تنظیم نے اسی ماہ کرونا وائرس کی وبا کے پیش نظر اس عالمی نمائش کو یکم اکتوبر 2021ءتک ملتوی کرنے کا اعلان کیا ہے۔