اسلام آباد(اپنے سٹاف رپورٹر سے)تھانہ بہارہ کہو کو صوبہ خان نے بتایا کہ نیو منگیال میں نامعلوم افراد نے ہاتھ پائوں باندھ کر 38ہزار روپے کمروں کے تالے توڑ کر سامان چھین لیا، تھانہ بہارہ کہو کو طاہر محمود نے بتایا کہ مسلم آباد میں نامعلوم چوروں نے گھر سے 2لاکھ روپے، اور گھڑیاں مالیتی 3لاکھ چرا لیں، تھانہ ترنول کو اسلم بابونے بتایا کہ سیفیہ روڈ پر نامعلوم چوروں نے دوکان کے تالے توڑ کر 6سلنڈر اور7ہزار روپے چرالئے، تھانہ ترنول کو محمد اویس چوہدری نے بتایا کہ پنڈ پڑیاں میں نامعلوم چوروں نے سٹور سے شٹرنگ پائپ اور دیگر سامان چوری کرلیا، تھانہ شہزاد ٹائون کو ڈاکٹر محمد جعفر علی نے بتایا کہ گرین ایونیو میں نامعلوم چوروں نے گھر سے 5تولے طلائی زیورات اور 50ہزار روپے چوری کرلئے، تھانہ کراچی کمپنی کے علاقے جی ایٹ فور سے شاہ خالد کی مہران کار QE-961،تھانہ کراچی کمپنی کے علاقے جی ایٹ فور سے محمد مشتاق کی مہران کار IDD-3528، تھانہ آئی نائن کے علاقے آئی نائن فورس سے محمد نصیر کا موٹر سائیکل APR-887، تھانہ نون کے علاقے اسلام آباد ہو مز سے ذیشان اسلم کا موٹر سائیکل  BMM-451چوری ہو گیا۔