اولمپیئن ارشد ندیم کیلئے غیرملکی کوچ کی خدمات حاصل کرلی گئیں

 لاہور(سپورٹس رپورٹر) اولمپیئن اتھلیٹ ارشد ندیم جنوبی افریقہ میں ٹریننگ کا پہلا مرحلہ مکمل کرنے کے بعد لاہور واپس پہنچ گئے۔ اتھلیٹکس فیڈریشن نے مستقبل کے انٹرنیشنل ایونٹس میں ارشد ندیم کیلئے غیرملکی کوچ کی خدمات حاصل کرلی ہیں‘ ٹاپ جیولن تھرو کوچ ٹرسیس لیبن برگ ارشد ندیم کی اہم ایونٹس میں کوچنگ کریں گے۔جولائی میں شیڈول ورلڈ اتھلیٹکس چیمپئن شپ کیلئے کچھ روز آرام کے بعد ارشد ندیم دوبارہ ٹریننگ کا آغاز کریں گے جبکہ یاسر علی بھی انکے ہمراہ امام رضا اتھلیٹکس کپ میں پاکستان کی نمائندگی کریں گے۔