لاہور(سپورٹس ڈیسک ) نیوزی لینڈ کرکٹ ٹیم کے سابق کپتان برینڈن میکلم انگلینڈ ٹیسٹ ٹیم کی کوچنگ کیلئے مضبوط امیدوار بن گئے جبکہ اس دوڑ میں گیری کرسٹن اور کالنگ ووڈ بھی شامل ہوگئے۔
کیوی ٹیم کے سابق کپتان برینڈن میکلم انگلش ٹیسٹ ٹیم کی کوچنگ کے لیے مضبوط امیدوار سمجھا جارہا ہے، رواں سال فروری میں ایشز سیریز میں انگلینڈ کے ہاتھوں بدترین شکست کے بعد کرس سلورووڈ نے اس عہدے سے استعفیٰ دیدیا تھا جس کے بعد پال کالنگ ووڈ کو نگراں کوچ کے طور مقرر کیا گیا۔اس سے قبل انگلینڈ اور ویلز کرکٹ بورڈ نے ٹیسٹ اور وائٹ بال کوچز کیلئے الگ الگ درخواستیں طلب کی تھیں۔ میڈیا رپورٹس میں دعویٰ کیا جارہا ہے کہ انگلینڈ کے ڈائریکٹر کرکٹ راب کی بھی برینڈن میکلم کو انگلش ٹیسٹ ٹیم کی کوچنگ سوپنے کے خواہاں ہیں۔انگلینڈ ٹیسٹ ٹیم کے کوچ کا اعلان رواں ہفتے کیے جانے کا امکان ہے۔