امرتسر(این این آئی)بھارتی پنجاب کے شہر امرتسر میں گولڈن ٹیمپل کے قریب ایک ہفتے کے دوران تیسرا دھماکا ہو گیا۔بھار تی ٹی وی کے مطابق بھارتی پولیس نے بتایاکہ رات گئے ہونے والے دھماکے میں کوئی شخص زخمی نہیں ہوا۔پولیس کا کہنا تھا کہ دھماکے کی وجہ واضح نہیں ہو سکی ہے تاہم علاقے کو سیل کر دیا گیا ہے اور فرانزک ٹیم دھماکے کے مقام پر موجود ہے۔بھارتی میڈیا کے مطابق پولیس نے 5 افراد کو گرفتار کیا ہے لیکن مزید تفصیل فراہم نہیں کی گئی۔میڈیا رپورٹس کے مطابق اس سے قبل ہونے والے دو دھماکوں کی وجوہات بھی ابھی تک سامنے نہیں آئی ہیں۔
بھارت دھماکہ