لاہور (سپورٹس رپورٹر) وکٹ کیپر بیٹر حسیب اللہ کی سنچری ‘پاکستان شاہینز نے پہلی اننگز میں 8وکٹوں پر 461رنز بناکر زمبابوے اے کیخلاف 298رنز کی برتری حاصل کرلی ۔سیریز کے دوسرے چار روزہ میچ میں گرین شرٹس نے اپنی پہلی نامکمل اننگز دوسرے دن دوبارہ شروع کی تو محمد حریرہ 64‘عمیر یوسف 65‘کامران غلام دو ‘حسین طلعت 74‘قاسم اکرم 36‘عامر جمال 35‘مہران ممتاز 12رنز بناکر آﺅٹ ہوئے ۔ وکٹ کیپر بیٹر حسیب اللہ 111اور محمد علی 8رنز بناکر کریز پر موجود ہیں ۔ وکٹر نیاﺅچی اور تناکا چی وانگا نے تین تین وکٹیں حاصل کیں ۔ میزبان زمبابوے اے ٹیم پہلی اننگز میں 163رنز پر ڈھیر ہو گئی تھی ۔ گرین شرٹس کو سیریز میں ایک صفر کی برتری حاصل ہے ۔