سفارتی تعلقات بحال ہونے پرسعودی عرب نے ایران میں اپنا نیا سفیرمقررکردیا۔غیرملکی میڈیا کے مطابق ایرانی وزیرخارجہ حسین امیرعبد اللہیان کا کہنا ہے کہ سعودی عرب نے تہران میں اپنا نیا سفیرتعینات کردیا۔ایران میں سعودی عرب کا سفارت خانہ آئندہ چند روز میں کھل جائے گا۔ایرانی وزیرخارجہ نے کہا کہ ایران بھی جلد سعودی عرب میں اپنا نیا سفیر تعینات کرے گا۔چین کی ثالثی میں سفارتی تعلقات کی بحالی کے بعد ایرانی عہدیدار کا سعودی عرب کا پہلا دورہ ہے۔ سعودی میڈیا کے مطابق وفد سعودی حکام کے ساتھ دوطرفہ ملاقاتیں کرے گا اور اسلامی ترقیاتی بینک کے اجلاسوں میں شرکت کرے گا۔