زینت حسین ڈایگناسٹک سنٹر ، لیبارٹریز کا افتتاح  

لاہور(نیوز رپورٹر )پاکستان کی سینئر اور نامور پیتھالوجسٹ ڈاکٹر زینت حسین نے زینت حسین ڈایگناسٹک سنٹر اور لیبارٹریز کا افتتاح کر دیا۔ ڈاکٹر زینت حسین نے پاکستان میں 1964میں سب سے پہلے کلینکل لیبارٹری کی بنیاد رکھی۔ افتتاح کے موقع پر نامور معا  لجین ، ریڈیالوجسٹ، پیتھالوجسٹس، سینئر ٹیکنالاجسٹس کے علاوہ مختلف شعبہ ہائے زندگی سے تعلق رکھنے والی نامور شخصیات نے شرکت کی اور ڈاکٹر زینت کو خراج تحسین پیش کیا۔ ڈاکٹر زینت حسین نے کہا کہ انسانیت کی خدمت ہم سب کا اولین فریضہ ہے۔ یہ ایک جذبے اور احساس کا نام ہے جس سے معاشرے میں انسانیت پروان چڑھتی ہے۔