قصور+ شرقپورشریف (نمائندہ نوائے وقت+ نامہ نگار) ٹریفک حادثات میں خاتون سمیت 2 افراد جاں بحق ہو گئے۔چنگ چی رکشہ اور دودھ والی گاڑی دونوں لاہور کو آرہے تھے کہ چاہ کلانوالہ کے قریب دودھ والی گاڑی پیچھے سے رکشہ میں ٹکرا گئی جس کے نتیجہ میں 60سالہ ثریا بی بی موقع پر ہی دم توڑ گئی جبکہ 24 سالہ فاروق زخمی ہوگیا ۔ پولیس نے گاڑی کو ڈائیور سمیت قبضہ میں لیکر تفتیش شروع کر دی ۔علاوہ ازیںعاطف علی موٹر سائیکل پر موڑ کھنڈا جا رہا تھا جب وہ فتوالہ کے قریب پہنچے تو تیز رفتاری کے باعث ٹرک میں جا ٹکرایا جس کے نتیجے میں عاطف علی موقع پر جاں بحق ہو گیا جبکہ اس کا دوسرا ساتھی شدید زخمی ہو گیا جسے فوری ہسپتال پہنچا دیا گیا ریسکیو کی امدادی ٹیم نے جاں بحق شخص کی نعش کو لواحقین کے حوالے کر دیا۔