بھوئے آصل(نامہ نگار)اسسٹنٹ پروفیسر ڈاکٹر حافظ عامر رشید اور ان کے بیٹے حافظ محمد عبداللہ عامر کے تکمیل قرآن مجید کے موقع پر گزشتہ روز نجی شادی ہال میں قرآن اکیڈمی کی طرف سے پروفیسر ڈاکٹر منشاء طیب اور پروفیسر ڈاکٹر حافظ ارشد کی زیر سرپرستی تقریب کا انعقاد کیا گیا۔ تقریب کے مہمانِ خصوصی پروفیسر ڈاکٹر مطیع اللہ باجوہ تھے جنھوں نے عظمت قرآن پر بڑے پروقار انداز میں خطاب کیا۔تلاوت قرآن مجید کی سعادت محمد طہ عامر نے حاصل کی۔نعت رسول مقبول کے لیے محمد طلال خالد خصوصی طور پر لاہور سے تشریف لائے ۔