مصطفی آباد/للیانی(نامہ نگار) راشد لطیف میڈیکل اینڈ ڈینٹل کالج کے کامیاب ہونے والے 210 ڈاکٹرز کے اعزاز میں تقریب ہوئی ، تقریب کی صدارت وائس چانسلر (یو ایچ ایس) پروفیسراحسن وحید راٹھوڑ نے کی، پروفیسر راشد لطیف خان کے ہمراہ 92 ڈاکٹرز کو گولڈ میڈل 10 ڈاکٹرز کو سلور میڈل اور 9 ڈاکٹرز کو برونز میڈل دیا گیا ۔ جبکہ ایک ایم بی بی ایس ڈاکٹر نمرہ خیام اور ایک بی ڈی ایس ڈاکٹر مصطفی ظفر کو خصوصی طور پر بیسٹ گریجویٹ آف دی کالج ایوارڈسے بھی نوازا گیا،تفصیلات کے مطابق راشد لطیف میڈیکل اینڈ ڈینٹل کالج سے اس سال ایم بی بی ایس کا آٹھواں جبکہ بی ڈی ایس کا پہلا گروپ فارغ التحصیل ہوا ہے ان دونوں کلاسز سے مجموعی طور پر 210 ڈاکٹرز کامیاب ہوئے ہیں جس میں 176 ایم بی بی ایس اور 34 بیڈی ایس کے طلباء وطالبات شامل ہیں۔ تقریب کی صدارت وائس چانسلر پروفیسراحسن وحید راتھوڑ نے کی اور شرکاء سے خطاب کرتے ادارے کی سی ای او میڈم صباحت خان اور کالج انتظامیہ کی تعلیمی میدان میں خدمات کو خوب سراہا اور بطور چانسلر تعلیمی اقدار کے فروع کو یقینی بنانے کا عزم بھی کیا۔ پروفیسر ڈاکٹر زہرہ خانم ‘ میڈم زلیخا، پروفیسرڈاکٹر فرخ زمان، پروفیسر ڈاکٹر یوسف لطیف خان اور پروفیسر ڈاکٹر ہارون لطیف خان بھی سٹیج پر موجود تھے۔