فیروز والہ : 4سالہ بچی سے زیادتی کی کوشش ناکام ‘ملزم گرفتار

 فیروزوالہ( نامہ نگار) ونڈالہ دیال شاہ میں 4سالہ بچی درندگی کا مبینہ نشانہ بننے سے بچ گئی،مکینوں کی بروقت پولیس کو اطلاع کرنے پرپولیس نے ملزم کو گرفتار کرکے مقدمہ درج کرلیا۔مقدمہ مدعی محمد الیاس کے مطابق ملزم محمدبوٹا اسکاہمسایہ ہے ۔ میری کمسن بچی گلی میں کھیلتے ہوئے غائب ہوگئی، غائب ہونے پر اس کی اہلیہ فرحت بی بی نے بچی کی تلاش شروع کردی۔جب میاں بیوی ہمسائے ملزم محمد بوٹا کے گھر کی دیوار کے قریب پہنچے تو بیٹی کے رونے کی آوزسن کر ہمسائے کے گھر میں داخل ہوگئے جہاں پر درندہ صفت میری بیٹی سے زیادتی کی کوشش کررہاتھا ۔ہمیں آتے دیکھ کر ملزم عقبی دروازسے بھاگ نکلا۔پولیس نے مقدمہ مدعی کی تحریری درخواست پر ملزم کیخلاف مقدمہ درج کرلیا ۔ذرائع کے مطابق محمد بوٹا کی عمر70سال ہے جس کو مکینوں نے تعاقب کرکے پکڑ کر خوب درگت بنانے کے بعد فیروز والہ پولیس کی تحویل میں دیدیا۔واقعہ کی اطلاع ملتے ہی ڈی ایس پی فیروز والہ نے مشتعل افرادسے ملزم کونکال کر تھانہ میں منتقل کرکے تفیتش شروع کردی۔