روات ( نامہ نگار )ممبر قومی اسمبلی وسربراہ  ڈسٹرک کوآرڈینشن کمیٹی انجیئنر قمرالاسلام راجہ کی سفیر یونین کونسل بسالی آمد ہوئی، جہاں انہوں نے کونسلر راجہ توقیر کی والدہ کی وفات پر تعزیت اور فاتحہ خوانی کی۔ اس موقع  پر'' چیئرمین چوہدری اخلاق گروپ''  کے ممبران ملک ایوب جنرل کونسلر، راجہ اجمل شہزاد، راجہ حسرت محمود، ملک اسحاق، راجہ اشرف ، صوبیدار مسعود ،بابو  عبدالجبار، ملک تنویر ،چوہدری ساجد  ، ملک شیر افضل ، ملک شبیر، ملک منیر، ملک صغیر اورصوفی خالد موجود تھے ۔انجیئنیر قمرالاسلام راجہ نے بتایا کہ مائیں جنت میں بسیرا کر لیتی ہیں لیکن انکی دعائوں کی چھائیں تازندگی موجود رہتی ہیں ۔ خوش بخت ہیں وہ جنھوں نے والدین کی خدمت گزاری کو نصب العین بنایا، ایسی اولاد کو زمین اور عرش دونوں مقامات پر عزت و تکریم کے تاج ملتے ہیں۔ انہوں نے مزید کہا کہ راجہ توقیر خوش نصیب ہیں انہوں نے بھی خدمت کی زریں مثال قائم کی۔