کلر سیداں پولیس نے دو اشتہاری مفروروں کو گرفتار کر لیا

کلرسیداں(نامہ نگار)کلر سیداں پولیس کے اے ایس آئی راجہ زبیر نے دو اشتہاری مفروروں کو گرفتار کر کے مقامی عدالت پیش کر دیا۔پولیس کے مطابق شیراز نامی اشتہاری مجرم ایک نجی سکول کے گراؤنڈ پر قبضہ کرنے کے الزام میں نامزد تھا جبکہ دوسرا مجرم اشتہاری اسرار احمد سکنہ اوکاڑہ جو کلر سیداں میں مویشیوں کے ڈیری فارم میں ملازم تھا نے رات کے اندھیرے میں ایک لاکھ 90ہزار روپے کی نقدی اورلاکھوں روپے مالیت کے جانور چوری کر کے موقع سے فرار ہو گیا تھا۔